{အသက်မွေးဝမ်းကျောင်း မဟုတ်ခဲ့ပေမယ့် ခံစားချက်တွေနဲ့ပြည့်နှက်နေတဲ့ အနုပညာမြစ်တစ်စင်းကတော့ ကျွန်တော့်နှလုံးသားအတွက် အဓိက ရေသောက်ဖြစ် တစ်ဆင်းပါပဲ}

Sunday, 17 April 2011

ဈေးဝယ်ထွက်ခြင်း

Views

လောဘတစ်ထုပ် ခါးကြားထိုးလို့ …. ဒီဈေးခင်းထဲ စီးမျောကြည့်မိတယ် ….
တစ်နေရာမှာ …. လူတွေကြိပ်မှိတ် …. တိုးဝှေ့ဝယ်နေကြတယ် ….
ကျွန်တော်လည်း အသာတိုးလို့ …. ငေးမောကြည့်တော့ ….
“အနာဂတ် အရောင်းပြခန်း”
ကျွန်တော်လည်း အာသာတငမ်းငမ်း ….
လောဘ တစ်ချို့နဲ့ အနာဂတ် တစ်ပွဲ လဲလှယ်ဝယ်ယူကြည့်တယ် ….
အအာ …. စိတ်ပျက်စရာပဲ ….
ကိုယ့်လက်ထဲရောက်မှ အတိတ်တွေဖြစ်ကုန်လို့ သုံးမရပြန်ဘူး ……

ဒီလိုနဲ့ပဲ …. ပွဲခင်းထဲလျှောက်လမ်း … နောက်တစ်ဆိုင်ထပ်ကြည့်လိုက်တော့ ….
“မျှော်လင့်ချက် (လက်လီ/လက်ကား)”
ခပ်ပြုံးပြုံးနဲ့ပဲ ဖြတ်ကျော်ခဲ့တယ် ….
အနာဂတ်တောင် မ၀ယ်နိုင်တဲ့ ဒီလိုကောင်အတွက် မျှော်လင့်ချက်ဆိုတာတော့ သိပ်မလိုအပ်ဖူးလေ

တစ်ရွေ့ရွေ့နဲ့ ဆက်လျှောက်ကြည့်တယ် ….
အိုးးးး … ဒီဆိုင်လေးကိုတော့ စိတ်ဝင်စားလို့ ၀င်ကြည့်မိတယ်
“စိတ်ကူးနှင့်အတွေးများ (အထူးလျှော့ဈေး)”
ဆိုင်ခန်းထဲ တစ်ပတ်လျှောက်ကြည့်တော့ ….
ခပ်ညံ့ညံ့ စိတ်ကူးတွေနဲ့ ပြည့်နေလို့ …. တစ်ပွေ့တစ်ပိုက် အားရပါး ရ စားသုံးခဲ့သေးတယ်

စိတ်ကူးတွေကို စားသုံးရင်း လေကန်ကန်ခြေလှမ်းတွေနဲ့ …
ဒီပွဲခင်းထဲ လွှင့်မျောနေခဲ့တာ အချိန်တောင်ကြာပေါ့ ….
ဒီလိုနဲ့ပဲ လမ်းစုံလမ်းခွမှာ ခမ်းခမ်းနားနားဆိုင်ကြီးတစ်ခု ….
လူတွေကလည်း လုယက်တိုးဝှေ့ စည်ကားလွန်းတဲ့ ဆိုင်ခန်းတစ်ခု
စူးစမ်းစိတ်နဲ့ အနားကပ်ကြည့်တော့
ရွှေရောင် စာလုံးများဖြင့် လှပခမ်းနားစွာရေးထားတဲ့
“အိမ်မက် အရောင်းပြခန်း”
ရှိတာတွေအကုန်ပေးလို့ ရသလောက် အိမ်မက်တွေနဲ့ ယစ်မူးကြည့်လိုက်တယ် …
စံချိန်မှီအိမ်မက်တွေဆိုပေမယ့်လည်း …
ကျွန်တော့အတွက် ပေါ့ရွှတ်ရွှတ်ဖြစ်နေလို့ မျက်ရည်တွေတောင် ရောလိုက်သေးတယ် ….
အိမ်မက်ဆို မျက်ရည်လေးရောမှ ကြိုက်တဲ့ကောင်ကိုး …..

ဒီညအတွက်တေ့ာ ဈေးဝယ်ထွက်ရတာ ….
ပါတာလည်း ကုန် နေရာလည်းစုံလို့ ….
ဒီပွဲခင်းကို ကြောခိုင်း အပြန်လမ်းသွားမယ်လုပ်မှ ….
ပွဲခင်းရဲ့ ဒေါင့်တစ်နေရာ … ချောင်ကလေးမှာ
ဖယောင်းတိုင်လေးခပ်မှိန်မှိန် နဲ့ မုန်ကုတ်ကုတ်ဆိုင်လေးတစ်ခု ….
စူးစိုက်ကြည့်မှ သိနိုင်မယ့် ဆိုင်းဘုတ်သေးသေးလေး….
“မနက်ဖြန်များ …. (လိုသလောက်ရမည်)”
ကျွန်တော့မှာ သေလုမျောပါး အပြေးအလွှားသွားမိတယ်
ဆိုင်ထဲရောက်မှ မနက်ဖြန်တွေလိုသလောက်ထုပ်ပိုး ….
ငွေရှင်းမယ်လုပ်ရော …. ကျွန်တော့လောဘထုပ်လေးတောင် ပြားပြားကပ်လို့ …
ရူးမတက်အော်ဟစ်ရင်း … ရသလောက် မနက်ဖြန်လေး
ဒူးထောက်လို့ တောင်းယူမိတယ် …
ဒါပေမယ့် ……
ဒါပေမယ့် …..
ဒါပေမယ့် …..

နေနက်
18/4/2011



1 comment:

Anonymous said...

ကောင်းလိုက်တဲ့...ကဗျာလေး..။ (adaptorlay)